برگزاری امتحان رقابتی بست رتبه چهارم مدیریت عمومی تحقیقات علمی پوهنتون غور

امروز دوشنبه، مؤرخ ۸ ربیع‌الثانی ۱۴۴۸ هـ.ق، مطابق با ۳۰ سنبله ۱۴۰۵ هـ.ش، امتحان رقابتی بست رتبه چهارم مدیریت عمومی تحقیقات علمی پوهنتون غور، از سوی مدیریت عمومی امور کارکنان این نهاد علمی، با اشتراک (۴۰) تن از متقاضیان واجد شرایط، قبل از ظهر در پوهنتون غور برگزار گردید.
این امتحان با حضور هیئت رهبری پوهنتون، کمیتهٔ امتحانات متشکل از اعضای رهبری پوهنتون، نمایندهٔ مقام محترم ولایت و نمایندهٔ ریاست اصلاحات اداری، در فضای کاملاً منظم، شفاف و عادلانه برگزار گردید.
بدین‌وسیله به اطلاع کاندیدان محترم رسانیده می‌شود که پس از نمره‌دهی و بررسی دقیق اوراق امتحان تحریری، نتایج نهایی گردیده و افراد ذیل، با کسب نمرات بالاتر، واجد شرایط اشتراک در امتحان تقریری شناخته شده‌اند:
۱. محترم نظام‌الدین ولد فضل‌احمد — با اخذ ۳۲ نمره؛
۲. محترم حمیدالله ولد خداداد — با اخذ ۲۷ نمره؛
۳. محترم جنت‌گل ولد شاه‌میر — با اخذ ۲۷ نمره؛
۴. محترم ضیاءالحق ولد محمداعلم — با اخذ ۲۵٫۵ نمره.
قابل یادآوری است که امتحان تقریری افراد فوق، فردا سه‌شنبه، مؤرخ ۳۱ سنبله ۱۴۰۵ هـ.ش، ساعت ۹:۰۰ قبل از ظهر، در پوهنتون غور برگزار می‌گردد.