علمي کنفرانس
د غور د لوړو زده کړو په موسسه کې علمي او تحصیلي کنفرانس جوړ شو.
نن د چهارشنبې په ورځ د ۱۴۴۶ هـ ق کال د جمادي الثاني د میاشتې په پنځمه نیټه د غور د لوړو زده کړو موسسې د شرعیاتو پوهنځی د امر المعروف، نهی عن المنکر او د غور ولایت د شکایتونو د اوریدو د ریاست په ګډون غونډه وکړه. د دغو دوو بنسټونو د مشرتابه، پلټونکو، د پوهنتونونو د استادانو او د لسګونو محصلینو په حضور کې ګډ علمي او ښوونیز کنفرانس جوړ شو
دغه کنفرانس د همدې موسسې د استاد قاري محمد طیب پویا له خوا د قران کریم د څو مبارکو ایتونو په تلاوت سره پیل شو او ورپسې د غونډې لومړۍ برخه د یاد بنسټ د محصلانو چارو مرستیال پوهاند عبدالرووف فیاض وړاندې کړه. تر سرلیک لاندې (الحاد، د هغې منفي عوامل او پایلې).
په همدې ترتیب د دغه کنفرانس دویمه برخه د (له الحاد سره د مبارزې لارې) تر سرلیک لاندې د دې ادارې د شرعیاتو پوهنځي رئیس مفتي شفیق احمد تیموري د غونډې ګډونوالو ته وړاندې کړه او په پای کې په هر بحث کې د بحث لپاره هم وخت ورکړل شو او د ذکر شویو موضوعاتو په اړه د ګډونوالو پوښتنو ته ځوابونه ورکړل شول.
ورپسې د غور ولایت د امبار المعروف د ریاست آمر مولوي عبدالباسط مولازاده د (د الحاد په له منځه وړلو او مخنیوي کې د پوهنتونونو رول) په اړه محتوا ګډونوالو ته وړاندې کړه.
د یادولو وړ ده چې څه موده وړاندې کلیمت سایټ د مولانا صاحب عبدالرحمن معتصمي حفظه الله په تصنیف کې د (د الحاد پدیده او د هغې سره د مبارزې لارې چارې) په نوم یو ډیر په زړه پورې او ګټور کتاب خپور کړی و چې زیاتره محتوا یې په کې شامل وو. بحث له دې کتاب څخه اخیستل شوی او لیدونکو ته وړاندې شوی.
د غونډې په پای کې د غور ولایت د امر بالمعروف، نهی عن المنکر د رئیس الحاج مولوي ګل اغا فاروق له خوا د دعا په ویلو او د خلکو د شکایتونو په اوریدو سره غونډه پای ته ورسیده.
