"په عمل کې نوښت؛ څنګه مفکورې په بریاليو نوښتونو بدلې کړو" تر سرلیک لاندې علمي او تعلیمي سیمینار
نن دوشنبه، د ۱۴۴۷ هجري قمري کال د جمادي الاول ۱۹مه، چې د ۱۴۰۴ هجري قمري کال د اکتوبر له ۱۹مې سره سمون خوري، د غور پوهنتون د کمپیوټر ساینس پوهنځي د څیړنې کمیټې لخوا د "په عمل کې نوښت؛ څنګه مفکورې په بریالي نوښتونو بدلې کړو" تر سرلیک لاندې یو علمي او تعلیمي سیمینار ترسره شو.
په دې پروګرام کې د کمپیوټر ساینس پوهنځي رییس ښاغلي خان محمد "حبیبي"، یو شمیر معززو استادانو او ګڼ شمیر زده کونکو ګډون کړی و.
مراسم د قرآن کریم د څو آیتونو په تلاوت سره پیل شول او بیا سیمینار د کمپیوټر ساینس پوهنځي د معلوماتي سیسټمونو د څانګې پروفیسور، نوماند پروفیسور محمد طاهر "احمدزاده" لخوا وړاندې شو.
د سیمینار په جریان کې، د یوې مفکورې مفهوم او د هغې د جوړولو څرنګوالی، د مناسبو مفکورو د غوره کولو لپاره سم معیارونه، د مفکورو د بریالي نوښتونو ته د بدلولو لارې او د دوی د بریالیتوب یا ناکامۍ اغیزمنونکي عوامل په څیر موضوعات په ساینسي او تحلیلي ډول بحث شول.
په پای کې، ګډونوالو خپلې پوښتنې وکړې او په موضوع یې رغنده نظرونه وړاندې کړل. پروګرام په یوه صمیمانه او علمي فضا کې پای ته ورسېد.
